Radio Golden Live..

नेपालको पहिलो महिला अध्यक्षमा लक्ष्मीको नाम दर्ता


नवलपरासी—आरक्षणको कोटा पुरा गर्न मात्र उपाध्यक्षमा महिला उठाएको २० वर्ष पछिको स्थानिय निर्वाचनमा हुप्सेकोटकी लक्ष्मी पाण्डेले चुनौती दिदैँ आफ्नो नाम अध्यक्षमै दर्ता गरेकी छन् । जसको कारण उनी नेपालकै पहिलो महिला गाउँपालिकाको अध्यक्ष भएकी छन् ।
नवलपरासीको हुप्सेकोट गाउँपालिकाको अध्यक्ष पदमा स्थानीय तहको निर्वाचनमा उनले सो विजय हासिल गरेकी हुन् । जसको कारण उनी नेपालमा पहिलो पटक अध्यक्षमा उम्मेदवार भएर विजयी भएकी हुन् ।
नेपाली कांग्रेसको तर्फबाट उम्मेदवार बनेकी लक्ष्मी पाण्डेले कुल ४ हजार ५९२ मत प्राप्त गरी विजयी बनेकी हुन् । उनका निकटतम प्रतिद्वन्द्वी नेकपा (एमाले)का उम्मेदवार मेघबहादुर पुलामीले ४ हजार ३५८ मत प्राप्त गरेर दोस्रो भएका छन् ।
त्यसैगरी, उपाध्यक्षमा एमालेका उम्मेदवार कोपिला मल्ल कुल ४ हजार ४६८ मत प्राप्त गरी विजयी बनेका छन् भने उनका निकटतम प्रतिद्वन्द्वी नेपाली कांग्रेसका उम्मेदवार ओम थापाले ४ हजार ४१३ मत प्राप्त गरेका छन् ।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]