Radio Golden Live..

निर्वाचन चिह्न अंकित टिसर्ट, टोपी, झोला वितरण नगर्न निर्देशन


काठमाडौं—दोस्रो चरणको स्थानीय तह निर्वाचनमा विभिन्न राजनीतिक दलहरुलाई निर्वाचन चिह्न अंकित टिसर्ट, टोपी, झोलालगायतका जिन्सी समान मतदातालाई वितरण नगर्न÷नगराउन निर्देशन दिने निर्णय गरेको छ ।
राजनीतिक दल र उम्मेदवारको निर्वाचन अवधीमा यस्ता किसिमको क्रियाकलापलाई बन्देज लगाउन यस्तो गर्ने निर्णय गरेको छ । त्यस्तै आयोगले निर्वाचन आचार संहिताविपरीत हुने कुनैपनि क्रियाकलाप नगर्न निर्देशन पनि दिएको छ ।
निर्वाचन आयुक्त सुधीरकुमार शाहको अध्यक्षतामा शनिबार बसेको निर्वाचन आचार संहिता समितिको बैठकले निर्वाचन चिह्न अङ्कित टिसर्ट, टोपी, झोलालगायतका जिन्सी समान मतदातालाई वितरण नगर्न÷नगराउन निर्देशन दिने निर्णय भएको आयोगका प्रवक्ता सूर्यप्रसाद शर्माले जानकारी दिए ।
सम्बन्धित जिल्लाका मुख्य निर्वाचन अधिकृत÷निर्वाचन अधिकृत÷प्रमुख जिल्ला अधिकारी तथा आचार संहिता अनुगमन गर्ने अधिकारीलाई तत्सम्बन्धमा अनुगमन गरी त्यस्ता आचार संहिता विपरीतका कार्य रोक्न पनि आयोगले निर्देशन दिएको छ । आचार संहिता विपरित कुनै पनि कार्य नगर्न आयोगले विभिन्न दललाई आग्रह पनि गरेको छ ।
दोस्रो चरणमा १, २, ५ र ७ नम्बर प्रदेशका ४३ जिल्लाका ४६१ स्थानीय तहको निर्वाचन आगामी असार १४ गते बुधबार विहान ७ देखि अपराह्न ५ बजेसम्म हुनेछ । दोस्रो चरणको निर्वाचनका लागि धेरैजसो राजनीतिक दलले उम्मेदवार छनोट गरी निर्वाचन प्रचार सुरु गरिसकेका छन् भने केहि मधेसी दलहरुले चुनावमा भाग नलिने बन्दै चुनाव विथोल्न कोशिस गर्न सक्ने आशंका गरिएको छ ।
निर्वाचनमा विराटनगर र वीरगन्ज महानगरपालिका, १० उपमहानगरपालिका, १५६ नगरपालिका र २९३ गाउँपालिकाका ९० लाख ९७ हजार ५५७ मतदाताले जनप्रतिनिधि छान्नेछन् ।
निर्वाचनबाट प्रमुख÷ अध्यक्ष ४६१ सोही संख्यामा उपप्रमुख एवं उपाध्यक्ष, ४०८६ वडा अध्यक्ष, सोही संख्यामा महिला वडा सदस्य र दलित महिला सदस्य र आठ हजार १७२ वडा सदस्यको चयन हुनेछ । आयोगले छ हजार ७१८ मतदानस्थल, ११ हजार ९३१ मतदान केन्द्र कायम गरेको छ । दोस्रो चरणको निर्वाचनमा तीन वटा प्रदेशको निर्वाचन हुदैछ ।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]