Radio Golden Live..

कांग्रेस भक्तपुर जिल्ला कार्य समितिमा आरोप प्रत्यारोप


भक्तपुर–स्थानीय तहको निर्वाचनमा भक्तपुरको चार नगरपालिकाका कुनै पनिमा स्थानिय तहमा विजय प्राप्त गर्न नसकेपछि नेपाली कांग्रेस भक्तपुर जिल्ला कार्य समितिमा आरोप प्रत्यारोप चलेको छ ।
कांग्रेसको गढ मानिएको मध्यपुर थिमी नगरपालिकाका कुनै पनि वडामा कांग्रेसले कुनै पनि जित हासिल गर्न सकेन् । वडा, नगरप्रमुख पदमा एमालेले जित हासिल हासिल गरेपछि कांग्रेसले अन्तर्घातको कारण हार भएको आरोप लागेको छ । मध्यपुरमा उपप्रमुखसहित बहुमत वडामा भने कांग्रेसले बिजयी भएको छ ।
पार्टीको तर्फबाट उम्मेदवार भएकाहरुले सम्बन्धित नगरपालिकाका पार्टी नेता तथा कार्यकर्तालाई अन्तर्घात गरेको आरोप लगाउन थालेपछि आरोप प्रत्यारोप सुरु भएको हो ।
भक्तपुर नगरपालिका बाहेक अन्य तीन चागुनारायण, सूर्यविनायक र मध्यपुर थिमी नगरपालीकामा जित्ने उद्देश्य साथ पार्टीले उम्मेदवार उठाएको थियो । तर ती सबै नगरपालिकामा नेकपा एमालेले जितेको छ ।
पार्टीका जिम्मेवार व्यक्तिले अन्तर्घात गरेर आफुलाई हराएको भन्दै मध्यपुर नगरपालिकामा कांग्रेसको तर्फबाट प्रमुख पदका उम्मेदवार रहेका अष्ट कवेंले बताउँदै आएका छन् । उनले यतिबेला मध्यपुरमा समानान्तर गतिविधि चलाउन शुरु गरेका छन् ।

‘तपाईंले समान्तर नगरसमिति चलाएको आरोप छ’ भन्ने प्रश्न गर्दा उनले भने, ‘यसबारेमा मलाई थाहा छैन ।’ अन्तर्घातीले चोखिन आफुलाई यस्तो आरोप लगाएको समेत उनको दाबी छ ।
कवेंले नगरअधिवेशनबाट निर्वाचित समितिलाई बाहिर राखेर समान्तर गतिविधि गरेको वर्तमान नगरसमितिको आरोप छ ।
केही दिन अगाडी नगर समितिको व्यानर राखेर असार १८ गते गरिएको कार्यक्रम बारे वर्तमान नगरकार्य समितिलाई खबर समेत नभएको उनीहरुले बताए ।
नगरका क्रियाशिल पार्टी सदस्यहरुको उपस्थितिबाट निर्वा्चित कार्य समितिलाई बाहिर राखेर समान्तर गतिविधि भएको नगर सभापति सुरेन्द्र श्रेष्ठले जानकारी दिए ।
समान्तर गतिविधि गर्नेलाई अनुशासनको बारवाही गरि पाउँ भन्दै कार्य समितिले १ नम्बर, २ नम्बर क्षेत्रिय समिति, जिल्ला कार्य समिति र कन्द्रीय समितिलाई पत्रचार गरेको छ ।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]