आइतबार थपिए ४ सय २१ कोरोना संक्रमित, संक्रमित स‌ंख्या ९ हजार कट्यो

छिल्लो २४ घण्टामा ४२१ जनामा कोरोना भाइरस (कोभिड–१९) को संक्रमण पुष्टि भएको छ ।

यससँगै कुल संक्रमितको संख्या नौ हजार २६ पुगेको छ । उनीहरूमध्ये २३ जनाको मृत्यु भएको छ भने एक हजार ७७२ जना डिस्चार्ज भएका छन् । पछिल्लो २४ घण्टामा १९४ जना डिस्चार्ज भएको स्वास्थ्य तथा जनसंख्या मन्त्रालयले जनाएको छ ।

विगत २४ घण्टामा ८ हजार ६ जनाको पिसिआर परीक्षण गरिएको छ। हालसम्म १ लाख ७५ हजार बढीकाे पिसिआर परीक्षण भएको मन्त्रालयले जनाएको छ।

हालसम्म ७५ जिल्लामा काेराेना देखिएकाे गाैतमले बताए। 

गुल्मीकी ६९ पुरुषको असार ५ गते मृत्यू भएसँगै नेपालमा कोरोनाबाट ज्यान गुमाउनेको संख्या २३ पुगेको छ ।

उनी उपचारका लागि भारत गएका थिए । प्यारालाइसिसका बिरामी भएका उनी जेठ २५ गते नेपाल फर्किएका थिए । क्वारेन्टाइनमा रहेका उनको असार ५ गते घरमै मृत्यू भएको हो । उनको स्वाब परीक्षण गर्दा ६ गते कोरोना संक्रमणको पुष्टि भएको प्रवक्ता डा. गौतमले जानकारी दिए । उनको शवलाई सेनाको सहयोगमा असार ६ गते व्यवस्थापन गरिएको छ ।

कहाँ–कहाँ थपिए संक्रमित ?

मन्त्रालयका अनुसार सबैभन्दा धेरै अर्घाखाँचीमा ७४ संक्रमित थपिएका छन् । यस्तै, सिराहाका ५२ जना, डडेलधुराका ४१, डोटी र कैलालीका २७/२७ जना, कपिलवस्तुका २५, बाग्लुङका २३, नवलपरासीका २२, प्युठानका २० तथा स्याङ्जा र दाङका १०/१० जनामा कोरोना संक्रमण पुष्टि भएको छ ।

यसैगरी, धनुषाका ८ जना, गुल्मीका ७, झापा र सल्यानका ६/६ जना, उदयपुर, सर्लाहीका ५/५ जना, पाल्पा, म्याग्दी, तनहुँ र रोल्पा ४/४ जना, बारा र बर्दियाका ३/३ जना, मोरङ, सुनसरी, महोत्तरी, सप्तरी, सुर्खेत, अछाम, बैतडी, बझाङ, रुपन्देही, नवलपुर र पर्वतका २/२ मा संक्रमण पुष्टि भएको छ । यस्तै, ललितपुरसहित नुवाकोट, रामेछाप, कास्की, मुस्ताङ, बाँके, दैलेख र कञ्चनपुरमा १/१ जना कोरोना संक्रमित थपिएका छन् ।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]