Radio Golden Live..

ट्याक्सी चलाउन दिने व्यवस्था गर्न सरकारलाई निर्देशन

प्रतिनिधिसभा अन्तर्गतको विकास तथा प्रविधि समितिले सरकारलाई ट्याक्सी चलाउन दिन निर्देशन दिएको छ ।

बुधबार सिंहदरबारस्थित समितिको कार्यालयमा यातायात व्यवसायीसहित बसेको बैठकपछि स्वास्थ्य मापदण्ड पालना गर्दै ट्याक्सी सञ्चालनका लागि भौतिक पूर्वाधार तथा यातायात व्यवस्था मन्त्रालयलाई निर्देशन दिएको हो ।

बुधबारको बैठकमा सार्वजनिक सवारी साधन सञ्चालनबारे छलफका लागि समितिले विभिन्न यातायात व्यवसायी संघ संस्थालाई छलफलका लागि बोलाएको थियो ।

छलफलमा उनीहरुले लकडाउनको १ सय ७ दिन पुगिसक्दा पनि यातायात क्षेत्रका मजदुरलाई राहत दिनेबारे सरकारले कुनै निर्णय नगरेको, यातायात व्यवसायीले बैकमा तिर्नुपर्ने किस्ता र ब्याजबारे सरकारले मतलब नगर्दा संकटमा परेको बताएका छन् ।

ट्याक्सी व्यवसायीले भोकै मर्नुपर्ने अवस्था आएको, डिप्रेसनमा पर्नेहरू बढेकोलगायतका गुनासो राखेका थिए । उनीहरूले बैङ्कको किस्ता तिर्न समस्या परिरहेको भन्दै ब्याजमा मिनाहा र छुट दिनुपर्ने माग गरेका छन्।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]