एकैदिन चितवनमा ८७ जनामा कोरोना संक्रमण

चितवनमा एकैदिन ८७ जनामा कोरोना संक्रमण पुष्टि भएको छ ।

शुक्रबार राति भरतपुर अस्पतालको कोभिड–१९ परीक्षण प्रयोगशालाले सार्वजनिक गरेको रिपोर्टमा ८७ जनामा संक्रमण पुष्टि भएको उल्लेख छ ।

संक्रमित सबैभन्दा धेरै भरतपुर महानगरपालिकाका ५० पुरुष र २३ महिला गरी ७३ जना छन् ।

कालिका नगरपालिकाका ६ पुरुष र २ महिला गरी ८ जना छन् ।

खैरहनीका २ महिला र २ पुरुष गरी ४ जना तथा रत्ननगरका २ जना महिलामा कोरोना भाइरस संक्रमण पुष्टि भएको छ ।

यससँगै चितवनमा संक्रमितको संख्या १२ सय पुगेको छ ।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]