आज: २०८१ चैत्र १०, सोमबार
FLASH NEWS
- Loading...
रेशम चौधरीको ‘नागरिक उन्मुक्ति पार्टी’, अध्यक्षमा श्रीमती श्रेष्ठ रञ्जिता
- गोल्डेन खबर
- ३ साल अघि
- १८१ पटक पढिएको
आफ्नै अध्यक्षतामा उक्त पार्टी गठन गर्न लागिएको भए पनि त्यो सम्भव नभएपछि चौधरीले आफ्नी श्रीमतीको नाममा पार्टी गठन गरेका हुन ।
नयाँपार्टी दर्ता गर्न श्रेष्ठसहितको टोली सोमबार मध्याह्न निर्वाचन आयोगमा पुगेको थियो ।
डिल्लिबजार कारागारका अनुसार चौधरीले पार्टी दर्ताका लागि आफैं निर्वाचन आयोग जान खोजेका थिए। उनले आइतबार कारागार व्यवस्थापन विभाग र निर्वाचन आयोगमा निवेदन दिएका थिए। तर उनी जान पाएनन् ।
चौधरी टीकापुर घटनामा एसएसपी लक्ष्मण न्यौपानेसहितको हत्या आरोपमा जेलमा छन् । उनले जेलबाटै चुनाव उठेर जितेका थिए ।
पछि चौधरी राष्ट्रिय जनता पार्टीमा आवद्ध थिए । राष्ट्रिय जनता पार्टी फुटेर लोकतान्त्रिक समाजवादी पार्टी गठन भएपछि चौधरी सोही पार्टीमा थिए ।
तर, थरुहट आन्दोलन र बन्दी रिहाबारे सरकार, मधेसी दल कसैले पनि चासो नदेखाएपछि आफैं दल खोल्ने निर्णयमा पुगेका हुन् ।
‘ठूला राजनीतिक दल, आफू आवद्ध मधेसवादी दलबाट केही पनि निकास निस्केन । मधेसवादी दलले पनि कुनै पहल गरेको देखिएन । अब अरूको हातबाट हुन्न, अखण्ड सुदरपश्चिमको राजनीतिक मुद्दा बन्यो तर थारूको बनेन,’ श्रेष्ठले भनिन, ‘त्यसैले नयाँ दल स्थापना गरेर थारूहरूको पहिचान बनाउने, अरूको झोला नबोक्ने निष्कर्षसाथ पार्र्टी गठन गर्न लागिएको हो ।’
संसदीय चुनाव हुने बेलामा चौधरी जेलमै थिए। त्यसबेला श्रीमतीलाई मनोनयन दर्ता गराउन दिइएको थियो।
‘जेलमै रहेको व्यक्तिलाई चुनाव उठ्न दिने, तर जितेपछि प्रमाण(पत्र नदिइने, त्यस्तो खालको दलगत स्वार्थ राखियो,’ उनले भनिन्, ‘अहिले पार्टी गठन गर्न खोज्दा पनि त्यसै गरिँदैछ।’
प्रतिक्रिया दिनुहोस
गोल्डेन पब्लिकेशन नेटवर्क प्रा.लि.
मध्यपुर थिमी-५, भक्तपुर
न्युज डेस्क +९७७-९८४१९९४९१८
विज्ञापनको लागि +९७७-९८४१९९४९२४
कम्पनि दर्ता नम्बर:१२२४२९/७०/७१
प्रेस काउन्सिल दर्ता नं.: १३९४-०७३/०७४
सुचना बिभाग दर्ता नं.:२०३१/०७७-७८
वेबसाईट: goldenkhabar.com
हाम्रो टीम:
| प्रकाशक : | गोल्डेन पब्लिकेशन |
| प्रवन्ध निर्देशक : | .......... |
| सम्पादक : | सुरेश ठाकुर |
| सम्वाददाता : | बसन्त बहादुर भण्डारी |
| ब्यबस्थापक : | .......... |
| कानूनी सल्लाहकार : | अधिवक्ता मनिष कुमार श्रेष्ठ |
| बजार ब्यबस्थापक : | ...... |
