Radio Golden Live..

चितवनमा चट्याङ लागेर १४ जना रोपाहार घाइते

काठमाडौं।। चितवनमा चट्याङ लागेर रोपाहार घाइते भएका छन् । कालिका नगरपालिकामा धान रोप्न गएका १४ रोपाहारलाई चट्याङ लागेको हो ।

कालिका–८ मझुवास्थित कमला विकको खेतमा बुधबार धान रोपाइँ गरिरहेको अवस्थामा पानी परेपछि उनीहरु स्थानीय जन्तरी प्रजाको घरमा ओत लाग्न गएका थिए । हुरी, बतास र पानीसँगै परेको चट्याङले रोपाहार घाइते भएको जिल्ला प्रहरीले जनाएको छ ।

घाइतेमध्ये ५ जनाको भरतपुर अस्पतालमा उपचार भइरहेको छ । अन्य ९ जना गएराति नै उपचारपछि घर फर्किएको प्रहरीले जनाएको छ । घाइते ५ जनाको अवस्था खतरामुक्त रहेको छ । बुधबार साँझ ६ बजेको समयमा चट्याङ परेको प्रहरीले जनाएको छ ।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]