Radio Golden Live..

श्रीलंकाका राष्ट्रपति देश छाडेर भागे


काठमाडौं । श्रीलंकाका राष्ट्रपति गोताबाय राजपाक्ष देश छाडेर भागेका छन्। प्रदर्शनकारीले निवास कब्जा गरेपछि राष्ट्रपति राजपाक्ष सेनाको विमानबाट भागेका हुन् ।

बीबीसीका अनुसार सोमबार राति ३ बजे स्थानीय समयमा उनी माल्दिभ्स पुगेका हुन्। राजपाक्षको बहिर्गमनसँगै श्रीलंकामा एक दशकभन्दा लामो समयदेखिको एक परिवारको शासनअन्त्य भएको छ।

प्रदर्शनकारीले शनिबार राष्ट्रपति निवास कब्जा गरेपछि राजपाक्ष लुक्दै आएका थिए। उनले बुधबार राजीनामा दिने घोषणा गरेका थिए। यसअघि श्रीलंकाबाट दुबई भाग्ने प्रयास भने सफल हुन सकेको थिएन।

देश छाडेर भाग्ने श्रीलंकाली राष्ट्रपतिको प्रयास असफल, विमानस्थलबाटै फर्किन बाध्य राष्ट्रपतिका भाइ तथा अर्थमन्त्री बासिल राजपाक्ष पनि देश छाडेर भागेका छन्। उनी अमेरिका प्रस्थान गरेको समाचारमा बताइएको छ।

© २०१६, सर्वाधिकार गोल्डेनखबर डट कममा सुरक्षित फोन नं: ०१-५१७२६५७इमेल: [email protected]