नवनियुक्त तीन प्रदेश प्रमुखले आज शपथ लिंदै

काठमाडौं । नवनियुक्त प्रदेश प्रमुखहरूले बिहीबार पद तथा गोपनीयताको शपथ लिने भएका छन् । शीतलनिवासमा अपराह्न ५ बजे उनीहरूकोशपथ कार्यक्रम तय भएको छ ।

बागमतीमा दीपकप्रसाद देवकोटा, लुम्बिनीमा कृष्णबहादुर घर्तीमगर र कर्णालीमा यज्ञराज जोशीले राष्ट्रपति रामचन्द्र पौडेलसमक्षप्रदेशप्रमुखको शपथ लिन लागेका हुन् । 

मन्त्रिपरिषद्को सिफारिसमा संविधानको धारा १६३ को उपधारा (२) बमोजिम राष्ट्रपति पौडेलले उनीहरूलाई बुधबार प्रदेशको प्रमुखनियुक्त गरेका थिए ।