FLASH NEWS
  • Loading...

ट्याक्सीमा प्रिन्टर मेसिन जडान कार्य तिव्र

  • गोल्डेन खबर
  • ६ साल अघि
  • ७७ पटक पढिएको
Post Thumbnail


काठमाडौं—काठमाडौं उपत्यकामा ट्याक्सीले जथाभावी रकम लिएर यात्रु ठग्ने प्रवृद्धि हटाउन नेपाल गुणस्तर तथा नापतौल विभागले उपत्यकाभित्रका ट्याक्सीमा कम्प्युटर बिलिङ प्रणाली (प्रिन्टर मेसिन) जडान गर्ने कामलाई तीव्रता दिएको छ ।
विभागले ट्याक्सीबाट निरन्तर उपभोक्ता ठगिएको गुनासो आएपछि यही पुस १७ गतेदेखि प्रिन्टिङ मेसिन जडान गर्ने कार्य सुरु गरेको हो ।
विभागले हालसम्म काठमाडौं उपत्यकाका दुई हजार ट्याक्सीमा प्रिन्टर मेसिन जडान गरिसकेको विभागका महानिर्देशक विश्वबाबु पुडासैनीले जानकारी दिएका छन् । उनले पछिल्लो एक हप्तामा तीव्रगतिमा काम भइरहेको र दैनिक १ सय ५० भन्दा बढी ट्याक्सीमा प्रिन्टर जडान गरेका गरेको बताए ।
ट्याक्सी सञ्चालकले प्रिन्टर मेसिन जडान गर्दा ५ देखि ८ हजारसम्म खर्च लाग्ने गरेको छ । यस्तै विभागले आम ट्याक्सी चालकलाई आफ्नो ट्याक्सीमा प्रिन्टर जडान गर्न तथा सेवाग्राहीलाई बिल लिएर मात्र यात्रा गर्न जनचेतनामूलक कार्यक्रम समेत चलाएको छ ।
समयमा ट्याक्सीमा प्रिन्टर मेसिन जडान नगर्ने ट्याक्सी चालकलाई ट्याक्सी चलाउन रोक लगाउने समेत पुडासैनीले बताए । हाल काठमाडौं उपत्यकाभित्र दश हजारको हाराहारीमा ट्याक्सी रहेका छन् ।
उनले आगामी साउनसम्म उपत्यकाका सबै ट्याक्सीमा प्रिन्टर मेसिन जडान गरिसकिने गरी विभागले काम गरिरहेको जानकारी गराएका छन् ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित