FLASH NEWS
  • Loading...

भारतको उडिसामा विस्फोट आठ प्रहरीको मृत्यु पाँच घाइते

  • गोल्डेन खबर
  • ७ साल अघि
  • ८७ पटक पढिएको
Post Thumbnail


नयाँदिल्ली–पूर्वी भारतीय राज्य उडिसामा बारुदी सुरुङ बिस्फोटमा परी आठ जना प्रहरीको मृत्यु हुनुको साथै अन्य पाँच घाइते भएका प्रहरी स्रोतले जानकारी दिएको छ ।
प्रहरी चढेको सवारी साधनलाई लक्षित गरी बिहीबार सो विस्फोटन गराइएको अधिकारीले जानकारी दिएका छन् । प्रहरीले आक्रमणकारीहरु नक्सालवादीहरु हुनसक्ने अनुमान गरेका छन् । घटना उडिसाको प्रान्तीय राजधानी भुवनेश्वरदेखि ४३७ किलोमिटर दक्षिणपश्चिममा पर्ने कोरापुट जिल्लाको सुन्कीनजिकैको मुख्य सडकमा भएको थियो ।
प्रहरीको गाडीमा यात्रा गरिरहेका बेला उडिसा राज्यका आठ जना प्रहरी मारिएका छन् । अरु पाँच जना घाइते भएको कोरापुटका एक प्रहरी अधिकारीले जानकारी दिए ।
घाइते सबैलाई तत्काल उपचारका लागि छिमेकमा पर्ने आन्ध्र प्रदेश राज्यको विसखापाटनम् अस्पतालमा लगिएको छ । उनीहरुको अहिले तिव्रगतिमा उपचार भइरहेको उनले बताए । घटनामा परी मृत्यु हुने मध्ये चार जनाको घटनास्थलमै र अरुको अस्पतालमा मृत्यु भएको उडिसा प्रहरीका प्रमुख केपी सिंहले पत्रकारहरुलाई जानकारी दिए ।
ती प्रहरीहरु अर्को जिल्लामा हुन लागेको तालिममा सहभागी हुन जाँदै गर्दा सो आक्रमण भएको हो । प्रहरी गाडीमा १३ जना चढेका थिए ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित