FLASH NEWS
  • Loading...

बत्तीस महिनादेखि बाढीपीडित पालमा

  • गोल्डेन खबर
  • ७ साल अघि
  • ६५ पटक पढिएको
Post Thumbnail

सुर्खेत, चैत २३ । बाढीले घर, जग्गा बगाएर विस्थापित बनेका हरिपुरवासीले गाँसबासका लागि पहल गर्न माग गरेका छन् ।

लामो समयसम्म पुनःस्थपना नहुँदा उनीहरुलाई गाँसबासको चिन्ताले सताएका छन् । साविकको हरिहरपुर गाविस अहिलेको बराहताल नगरपालिका हरिपुरका स्थानीयले बाढीबाट विस्तापित भएपछि करिब चार किलोमिटर टाढा रहेको गिरीघाट जङ्गलमा पाल टाँगेर बसेका छन् ।

२०७१ साल साउन २९ गते आएको बाढीले हरिपुरका करिब एक सय घरपरिवार विस्थापित भएका थिए । उनीहरु अहिले गिरीघाट जङ्गलमा पालमुनी सानो छाप्रोमा बस्दै आएका छन् । बाढीबाट सबै गुमेपछि अभावै अभावमा खुल्ला आकासमुनि बस्न बाध्य भएका हरिपुरवासीलाई ३२ महिना पुग्दासम्म पनि उचित व्यवस्थापन हुन सकेको छैन ।

बाढीले घर जग्गा बगाएपछि सरकारी सहयोग र राहत पाउने आशामा बसेका बाढीपीडित अहिले निराश हुँदै गएका छन् । स्थानीय तहको निर्वाचन आउँदा पनि बाढिपीडितलाई निर्वाचनको रौनकले छोएको छैन ।

बाढीपीडित हरिहरपुरका सीतला विक अहिले १५ वर्ष हुनुभयो, कक्षा– ६ मा पढ्दापढ्दै उनको विवाह भयो । आफ्नो खेतबारी, घर सबै बाढीले बगाएपछि उनलाई बिहान÷बेलुकी खर्चको जोहो गर्न धौधौ भएपछि अहिले गिट्टी कुट्ने कार्यमा लागेका छन् ।

गिरीघाट जङ्गलमा पालमा बस्दै आएको तीनवर्ष पुग्न लाग्यो, सरकारले भूकम्पपीडित सरह हामीलाई राहत दिने भने पनि अहिलेसम्म केही नपाएको सीतला विकको गुणासो छ । अब वर्षायाम सुरु होला, अहिले गर्मीले पालमा सताउछ, जङ्गलमा सर्पको पनि उत्तिकै डर हुन्छ, उनी भनिन् ।

काशिघाट खोलबाट ढुङ्गा ल्याएर कुट्दै दैनिकी आवश्यकता पूरा गरिरहेको सीतला बताउनुहुन्छ । दिउँसो गर्मीमा कुट्न सकिन्न, दिनभरी तीन कट्टासम्म गिट्टी कुट्न सकिन्छ, हामीले कुटेको गिट्टी बजारबाट घर निमार्ण गर्नेले कट्टाको ५० रुपैयाँमा किनेर लिने गर्छन् । त्यही पैसाबाट नुन र तरकारी खान सजिलो भएको उनी बताउँछन् ।

उहाँका श्रीमान् वीरेन्द्रनगरस्थित घर निमार्णका लागि मजदुरीको काम गर्दै आउनुभएको छ । भोट हाल्ने भन्दा पनि उचित व्यवस्थापन गर्ने राजनीतिक दलको खोजीमा रहेको हरिहरपुर सिस्नेरी– ५ का ६० वर्षीय बिर्खबहादुर विकले बताउनुभयो ।

बिर्खबहादुरलाई हरिहरपुरमा आएको बाढी उहाँलाई अहिले पनि झलझल्ती याद आउछ । गिरी घाटमा भाइसँग बस्दै आएका उहाँ परिवारका एक्ला सदस्य हुन । उहाँले भन्नभयो “ सरकारले पुनःस्थापना गर्ने छाटकाट देखाएको छैन्, जो नेता आए पनि हामी छिट्टै व्यवस्था गर्छु भन्छन् ।”

बिहान–बेलुकाको छाक टार्न गाह्रो भएपछि गिरीघाट नजिकैको काशी खोलाको बगरबाट दिनभरी ढुङ्गा बोकेर बस्तीसम्म ल्याउने गर्छ । ल्याएको त्यही ढङ्गाबाट गिट्टी कुट्छु दिनभरी तीन कट्टा कुटन सकिन्छ, कहिले थकाइ लाग्छ, गिट्टी कुटेर कठ्ठाको ५० रुपैयाँमा बिक्री हुन्छ, त्यहीँ रुपैयाँले नुन तेल तरकारी खाने मात्र ठिक हुने उहाँको भनाइ छ ।

यहाँका स्थानीयले सुर्खेतका सबै सरकारी कार्यालयमा समेत यस बारे पटक÷पटक ध्यान आकर्षण गराउँदा पनि अहिलेसम्म गाँसवासको व्यवस्थापन हुन नसकेको पीडितको गुणासो छ ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित