नायिका कंगना घाइते

बलिउडकी सफल नायिका कंगना रनावत एक चलचित्रको छायांकनका क्रममा घाइते भएकी छिन् । चलचित्र ‘मणिकर्णिका (द क्विन अफ झाँसी’को छायांकनका क्रममा कंगना घाइते भएकी हुन् । चलचित्रको छायांकन हैदरावादमा भइरहेको थियो । चलचित्रमा तरबारबाजीको दृश्य छायांकन भैरहेको थियो । सो समयमा कंगनाको निधारमा तरबार लाग्यो र उनी घाइते भइन् । कंगनालाई तत्काल अपोलो अस्पतालमा भर्ना गरिएको छ । उनलाई आइसीयूमा राखेर उपचार गरिएको छ । उनको निधारमा १५ टाँका लगाइएको भारतीय मिडियाले बताएका छन् ।