नेपाललाई अस्थिर राख्न केही तत्व सलबलाएको गृहमन्त्री थापाको दाबी

काठमाडौं । गृहमन्त्री रामबहादुर थापाले नेपाललाई अस्थिर राख्न चाहनेहरुले फेरि खेल्न खोजिरहेको बताएका छन ।शुक्रबार काठमाडौंमा आयोजित कार्यक्रममा उनले हिजोका पराजित तत्वहरु फेरि द्वन्द्व फैलाउन खोजिरहेको बताए । अहिले हिंसा फैलाएर राष्ट्रलाई नै टुक्र्याउन खोज्ने तत्वहरु रहेको उनको भनाई थियो ।

उनले नेपाललाई समृद्ध हुनबाट रोक्ने तत्व र दुखका कारण चिनेर तिनीहरुलाई निषेध गरेपछिमात्र नेपालीहरु खुशी र सुखी हुने बताए । यसैबीच गृहमन्त्री थापाले नेपालमा महिला हिंसा हुनुको मुख्य कारण मदिरा रहेको बताए ।

७० प्रतिशत महिला हिंसाका घटना मदिराका कारण हुने गरेको भन्दै मन्त्री थापाले त्यसका लागि मदिरा नियन्त्रण गर्नुपर्ने निश्कर्षमा गृहमन्त्रालय पुगेको बताए।

गोल्डेन खबर